巴神騷肌上封面　艾沙拉維有波入喇

[img]http://static.apple.nextmedia.com/images/apple-photos/video/20130822/org/1377116894_5040.jpg[/img]

「巴神」巴洛迪利近排認真威水，最近喺美國《體育畫報》（Sports Illustrated, SI）做咗封面人物，成為第一個非美國搵食嘅足球員上《SI》封面，美斯同C朗都未試過。而喺周二歐聯附加賽首回合賽事AC米蘭作客燕豪芬，巴神表現唔錯，可惜一次射門中楣爭少少先有波入，但最重要係AC米蘭最終唔使輸，1:1和局收場，揸住個作客入球，形勢都幾穩陣。

[img]http://static.apple.nextmedia.com/images/apple-photos/apple/20130822/large/img0000623_aa03.gif[/img]

巴神以赤裸上身攤開雙手嘅造形亮相《SI》封面，本書亦以「世界最有趣嘅男人」嚟形容佢。要上《SI》封面其實一啲都唔容易，以往除咗喺美國搵食嘅運動員之外，從來未有足球員可以做到過，所以巴神都算係又完成一個創舉。

[img]http://static.apple.nextmedia.com/images/apple-photos/apple/20130822/large/22s3-104p.jpg[/img]
■巴神（右）今仗雖冇入球，但整體表現仍相當不俗，助AC米蘭保不敗兼取得寶貴作客入球而回。路透社

[b]小法老助AC和1:1[/b]
講番前晚AC米蘭作客出戰燕豪芬嘅歐聯附加賽，話晒呢場波係AC米蘭喺新球季第一場正式比賽，賽前多少有啲擔心佢哋狀態唔夠。不過開波之後又唔係呢回事，前鋒艾沙拉維喺15分鐘就以頭槌先開紀錄，呢球亦係「小法老」自2月以嚟嘅第一球。不過A米最後都保唔住領先優勢到尾，門將艾比亞迪雖然有幾次精采撲救，但喺60分鐘一次處理主隊遠射「彈琵琶」，造就對手前鋒馬達夫斯補射扳平。雖然A米贏唔到，不過拎住一個作客入球下星期返主場已經好踢好多。
巴神喺呢場波雖然冇波入，但整體表現依然相當唔錯，並唔係純粹企喺最前等波踢，仲成日墮後做埋派牌，幾球直線傳球都好有威脅。睇嚟AC米蘭就算喺今夏冇乜買人，有巴神加埋破入球荒嘅艾沙拉維，都依然仲好有睇頭。

[b]些路迪慘變羊牯[/b]
周二歐聯附仲有兩個意外賽果，哈薩克球隊卡拉簡迪賽前喺主場劏羊祈福，點知真係有料到，以2:0擊敗蘇超些路迪，有機會創歷史打入分組賽。里昂季初喺法甲兩戰全勝，點知主場迎戰西甲嘅皇家蘇斯達，俾客軍基沙文同埋施費洛域各入一球，以0:2落敗。

來源:蘋果日報網站